இறைவா.! அனைத்தும் நீயே..!!
சர்வம் சிவார்ப்பணம்...!!!
அனைவருக்கும் அன்பு வணக்கங்கள்.
இன்று ஆடி கிருத்திகை.அனைத்து முருகப் பெருமான் ஆலயங்களும் இன்று திருவிழாக்கோலம் தான். பொதுவாக கிருத்திகை என்றாலே நமக்கு சிறப்பு தான். இருந்தாலும் ஆடிக் கிருத்திகை என்றால் சிறப்பிலும் சிறப்பு. நமக்கு ஆடி கிருத்திகை என்றாலே வேல் மாறல் பாராயணம் தான் நினைவிற்கு வரும். இரண்டு முறை பொங்கி மடாலயத்தில் நடைபெற்று வரும் வேல்மாறல் அகண்ட பாராயணத்தில் நாம் கலந்து கொள்ளும் வாய்ப்பு முருகனருளால் நமக்கு கிடைத்தது. இன்றைய வேல்மாறல் பாராயணத்திற்கு காத்துக்கொண்டிருக்கின்றோம். முருகனருள் முன்னிற்க நேற்றைய கந்த ஷஷ்டி வழிபாடு மாலை 4:30 மணிக்கு தொடங்கி இரவு 7 மணிக்கு நிறைவு பெற்றது. அருணகிரிநாதர், பாம்பன் ஸ்வாமிகள், தேவராயன் சுவாமிகள், வள்ளல் என்ற வரிசையில் திருப்புகழ்,கந்தர் அநுபூதி, ஸ்ரீமத் குமாரசுவாமியம் , கந்த ஷஷ்டி கவசம், தெய்வ மணிமாலை என படித்தோம். இதையெல்லாம் பார்க்கும் போது
முருகா! எந்தனுக்கு ஏதும் தெரியாது. மனிதனாகப் பிறந்து விட்டோம். அனைத்தும் நீயே! அனைத்தும் நீயே செய்து தா! அனைத்தும் நீயே செய்து கொண்டிருக்கிறாய். இன்னும் செய்து தா!
என்று வேண்டுவதை தவிர நாமொன்றும் அறியோம் முருகப் பெருமானே! இன்றைய பதிவில் பழனிப்பித்தன் அருளிய பாடல்களை இங்கே தொகுத்து தருகின்றோம். முருகா! எம்மையும் பழனிப் பித்தனாக்கு..!! பழனிப் பித்தனாக்கு..!! பழனிப் பித்தனாக்கு..!!! என்று வேண்டுவோம்.
விட்டு விட்டு ஓடிய எனையும்
விட்டு விடா தருளப் பிடித்த
மட்டு இல்லாக் கருணை உடையோய்!
எட்டும் படி உன்னடி அருளே!
-பழனிப் பித்தன், 23.07.2024
கட்டு இளங்காளை நீயே! பத்து
எட்டுக் கண்ணுடைய தேவே! எந்த
மட்டும் அற்றப்பெரும் அருள் தந்தோய்!
விட்டு விடாதெனைக் காத்தல் கடனே!
-பழனிப் பித்தன், 24.07.2024
முருகப்பா! கோல வள்ளி எழிலுக்கு
மறுகப்பா! எனப் பாடும் எனக்குநீ
அருகப்பா! சீல மிகும் உன்னருளைப்
பருகப்பா! என நிதம் அருள்வாயே!
-பழனிப் பித்தன், 25.07.2024
குடி எலாம் தொழும் பழனிக்
குடி சேர்ந்த வேளே! உமைப்பால்
குடி மாறா இளம் பாலனே!
குடி காத்து அருள் தெய்வமே!
-பழனிப் பித்தன், 26.07.2024
அழுது நாளும் உனை வழுத்தித்
தொழுது பாடும் எனை அன்பொடெப்
பொழுதும் அத்தன் அன்னை எனவே
பழுது எல்லாம் நீக்கி அருளே!
-பழனிப் பித்தன், 28.07.2024
பார்வதி பாலா! அகிலம் வணங்கப்
பார்புகழ் திருப் பழனி வாழ்பவ!
பாரெலாம் மயில் ஏறியே பார்ப்பவ!
பாரெனைப் பன்னிரு கண்ணாலே நித்தமே!
-பழனிப் பித்தன், 08.07.2024
சந்து பொந்தில் நின்றாலும் உடனே
முந்தி வந்து அருளும் தெய்வமே!
தொந்தி வந்த கணேசன் சோதர!
புந்தி நொந்து விடாது அருளே!
-பழனிப் பித்தன், 09.07.2024
சந்தை எங்கும் விலை போகாத
மந்தை மாடு எனை எடுத்துத்
தந்தை எனக் காத்து அருளும்
விந்தை என்னே கந்த சாமியே?
-பழனிப் பித்தன், 10.07.2024
அடித்தலம் நிற்கும் கீழ்மகன் என்னை
அடிமையாய் ஏற்றுக் கருணை பூத்து
அடிமலர் தந்து ஆள்வது என்றோ?
அடிபணி வரம் தந்தெனை ஆளே!
-பழனிப் பித்தன், 11.07.2024
மலை எலாம் அமரினும் எனது
தலை மீதும் பதமருள் ஐயனே!
கலை வாணி தொழுமய்ய! உன்னன்பு
வலை ஒன்றில் சிக்கமட்டும் அருளே!
-பழனிப் பித்தன், 12.07.2024
ஆரும் அற்ற அற்பன் எனினுமே
ஆறு முகம் துணை இருக்கவே
ஆரும் எனைச் சீண்ட முடியுமோ?
ஆறு முக அண்ணல் நீயருளே!
-பழனிப் பித்தன், 13.07.2024
ஆரும் அற்ற அற்பன் எனினுமே
ஆறு முகம் துணை இருக்கவே
ஆரும் எனைச் சீண்ட முடியுமோ?
ஆறு முக அண்ணல் நீயருளே!
-பழனிப் பித்தன், 13.07.2024
வீரவாகுத் தேவர்க்கு அருளிய பழனியின்
வீரம்நிறை மன்னவ! இவ்வேழையின் மனமென்ன
தூரந்தொலை வோவய்ய! கருணையே மிகக்கொண்டு
ஈரம்வைப்பாய் என்மீதும்! தண்டாயுத! தேவதேவே!
-பழனிப் பித்தன், 14.07.2024
வீரவாகுத் தேவர்க்கு அருளிய பழனியின்
வீரம்நிறை மன்னவ! இவ்வேழையின் மனமென்ன
தூரந்தொலை வோவய்ய! கருணையே மிகக்கொண்டு
ஈரம்வைப்பாய் என்மீதும்! தண்டாயுத! தேவதேவே!
-பழனிப் பித்தன், 14.07.2024
வரநதி சூடிய ஈசனின் கண்ணீன்ற
வரதனே! கருணை பெருகும் உன்னிலே
வரமொன்று உருகிக் கோருமிப் பித்தனின்
வரமென நீயேவா பழனி ஐயனே!
-பழனிப் பித்தன், 15.07.2024
பழ வினை வேரோடு அறுக்கும்
பழம் பெரும் பழனி மன்னவ!
பழம் பெறா சினத்தில் ஞானத்தின்
பழம் என வந்தவுன் தஞ்சமே!
-பழனிப் பித்தன், 17.07.2024
பழ வினை வேரோடு அறுக்கும்
பழம் பெரும் பழனி மன்னவ!
பழம் பெறா சினத்தில் ஞானத்தின்
பழம் என வந்தவுன் தஞ்சமே!
-பழனிப் பித்தன், 17.07.2024
சங்கும் தரித்த ஈசன் மகவே!
எங்கும் நின்றருள் நீயென் நினைவே!
தங்கும் இடமே அன்பின் எல்லையே!
எங்கும் உனைப்போல் தெய்வம் இல்லையே!
-பழனிப் பித்தன், 18.07.2024
இடும்பன் கொணர் பழனியில் நின்ற
கடம்பா!உணர்ந் துனையோத எங்கள்
நெடுநாள் பிணி அழித்தருள் வேலா!
மடநெஞ் சனின் வினைதீர்ப்பாய் வேளே!
-பழனிப் பித்தன், 19.07.2024
அசம் அறுக்கும் அநீதி அறுப்பாய்
அசம் அடக்கி அருளும் அண்ணலே!
நிசம் நீதியும் நீங்காது நின்றருள்
நிசம் நீயொன்றே! நன்மைசெய் நண்பனே!
-பழனிப் பித்தன், 20.07.2024
கற்பனை எல்லைக்கு முற்றும் தாண்டிய
விற்பனம் உடைய ஞான தண்டனே!
சொற்பனம் ஒன்றிலே வெற்றி வேலிட்ட
மற்புயன் ஒன்றவே காட்சி அருளே!
-பழனிப் பித்தன், 21.07.2024
உப்புக் காத்து வீசும் செந்தூரில்
தப்புச் செய்த சூரை அழித்த
ஒப்பு இல்லாப் புகழ் கொண்டவ!
செப்பு ஓர்சொல் பித்தன் காதிலே!
-பழனிப் பித்தன், 22.07.2024
யான் என்பது அற்றவர்க்குத் துணையாய்
நான் எனவே நின்றுகாக்கும் தெய்வமே!
வான் மீறிய பழனியில் நின்றருள்
மான் மகளின் கேள்வநின் சரணே!
-பழனிப் பித்தன், 09.06.2024
கவர்ந்து இழுக்கும் அழகு மயிலில்
இவர்ந்து உலகு அனைத்தும் ஆள்பவ!
கவர்ந்து செல்லவே யமனார் வந்தாவி
துவர்ந்து போமுன்னே வந்துநீ நிற்பாயே!
-பழனிப் பித்தன், 10.06.2024
ஆண்டு ஆண்டாய் அன்பன் எனை
ஆண்டு, தூண்டும் வினை எனைச்
சீண்டா வண்ணம் அன்பில் எனைத்
தீண்டும் அண்ணல் உன்போல் யாரே?
-பழனிப் பித்தன், 15.06.2024
அம்பல வாழ்நனின் அன்புச் செல்வனே!
அம்புவில் உதித்த கந்த! கருணை
அம்பரா! பழனி வாழ் எந்தையுன்
அம்புய அடிகள் அருள் எனக்கே!
-பழனிப் பித்தன், 20.06.2024
அணைத்துக் காக்கும் அறக் கருணையும்
அடித்துச் சேர்க்கும் மறக் கருணையும்
அன்னைபோல் செயும் குற வள்ளிகேள்வ!
அன்பனென் துயர் அற நீயருளே!
-பழனிப் பித்தன், 21.06.2024
நிந்தையே செயினும் அருளும் பழனி
எந்தையே! சொலொணா எண்ணங்கள் எனது
சிந்தையில் சேரினும் கருணை பொழியும்
தந்தையுன் சிற்றடி மறவா தருளே!
-பழனிப் பித்தன், 24.06.2024
உனை என்றுமே இடை விடாது
நினை நின்னன்பர் குழாம் மனதில்
புனை தேன்சொரி மலர் அடிய
தனை என்தலை சூட அருளே!
-பழனிப் பித்தன், 25.06.2024
அடியர் முறை இடில் உடனே
கடிதில் மயில் ஏறி வருவாய்!
தடிகொள் தேவே! நிதம் எமது
மிடிதீர் இறை உன்போல் யாருண்டே?
-பழனிப் பித்தன், 26.06.2024
நாள் எலாம் உனைத் தொழுதுன்
தாள் தொடும் அன்பன் உனது
ஆள் அன்றோ? துயர் வருமுன்
வாள் கொண்டு என்முன் வாவேளே!
-பழனிப் பித்தன், 29.06.2024
வலி நிறைப் பழனி இறையே!
வலி அற்ற மாகோழை எனது
வலி மாற்றி உனையே நம்புமென்
வலி ஏற்றி வலிய அருளே!
-பழனிப் பித்தன், 01.07.2024
வளி அதிர எங்கும் பறக்கும்
வலி செறிந்த சிகி வாகன!
வலி அற்றவெ னக்கு நல்லதோர்
வழி என்றுமே காட்டி அருளே!
-பழனிப் பித்தன், 02.07.2024
அடி போற்றித் தொழும் அடியர்
மிடி அகற்றிக் காக்கும் அண்ணலே!
தடி பற்றிய ஞானப் பிழம்பே!
குடி முழுதும் காத்து அருளே!
-பழனிப் பித்தன், 03.07.2024
கந்தை எனச் சிக்குறும் இவ்வினையேன்
கந்து எனப் பற்றேனோ உன்னடியை
கந்த? மனக் குறைதீர் வள்ளிக்குக
கந்த வேளே! தருவாய் உன்னருளே!
-பழனிப் பித்தன், 04.07.2024
நொந்து மனம் வாடிய பொழுது
வந்தேன் என மயிலில் ஓடோடி
வந்து அருள் பழனி அமரும்
கந்த வேளே! மறவேன் உனையே!
-பழனிப் பித்தன், 05.07.2024
கிறங்கி மயங்குமென் மனம் அறியாயோ?
குறவர் மகள்கேள்வ! அன்பன் எனைக்காக்க
பறக்கும் மயிலேறி வெற்றி வேல்பிடித்து
இறங்கி வாபழனி விட்டுக் கந்தவேளே!
-பழனிப் பித்தன், 07.07.2024
கருணைக் கடலே! உனது அன்பனென
அருணைக் கிளியை ஆட்கொண்ட விசாகனே!
தருணம் இதுவே அய்யனே! நாயேனையும்
அருகு அணைக்க! இரங்கு உன்மனமே!
-பழனிப் பித்தன், 06.07.2024
குன்று அனைத்தும் நின்று அருளும்
குன்றா இளமை உடைக் குமர!
கன்று எனவே எனை அணைத்துக்
கன்றா வளமை அருள் தெய்வமே!
-பழனிப் பித்தன், 09.05.2024
குன்று அனைத்தும் நின்று அருளும்
குன்றா இளமை உடைக் குமர!
கன்று எனவே எனை அணைத்துக்
கன்றா வளமை அருள் தெய்வமே!
-பழனிப் பித்தன், 09.05.2024
கங்கை சூடியின் அன்பிலே விளைந்தவ!
கவின் மிகுந்த பழனி ஊர்வாழ்பவ!
கண்ணில் வைத்தெனை கணமும் புரப்பவ!
கன்றின் அன்னையர் தினத்து முத்தங்களே!
-பழனிப் பித்தன், 12.05.2024
ஆதி அந்தம் அற்ற அநாதியே!
ஆயி சக்தி ஈந்த ஞானநிறை
ஆசான் உன்தாள் பணி அன்பரெமை
ஆளே! அன்பில் அருள் அழகனே!
-பழனிப் பித்தன், 13.05.2024
பார் எலாம் மயில் எனும்
தேர் மீது வலம் வரும்
ஊர் மெச்சுக் கந்த வேளே!
நேர் வந்து எனை ஆளே!
-பழனிப் பித்தன், 14.05.2024
வேதம் பணி ஞானப் பழனி
நாதன் நீயே துணை எனவே
போதம் தினம் தரும் உன்னிரு
பாதம் ஒன்றே பற்ற அருளே!
-பழனிப் பித்தன், 17.05.2024
அன்பே அகம் எனக் கொண்ட
அன்பர் தமை கணம் எலாம்
அன்பில் ஆளும் ஞானக் கந்த!
அன்பன் எனை என்றும் ஆளே!
-பழனிப் பித்தன், 19.05.2024
அன்பர் குழாம் சூழும் பழனிய!
அன்னை தந்த வேலும் உடன்வர
அண்டம் சுற்றும் நீலச் சிகண்டியில்
அன்பன் என்முன் என்றும் வருவாயே!
-பழனிப் பித்தன், 21.05.2024
ஆறு கொணர் கங்கை மைந்த!
ஆறு மாதர் வளர் சேயே!
ஆறு மதம் பணி தேவே!
ஆறு முகா! துணை நீயே!
-பழனிப் பித்தன், 22.05.2024
ஆறுதலை அன்பர்க்கு அனுதினம் அளிக்க
ஆறுதலை கொண்டருள் பன்னிருகை வள்ளலே!
ஆறுபல வற்றாது நிதமோடும் பழனி
ஆறுமுக! நின்தாளே கதியென்றும் எமக்கே!
-பழனிப் பித்தன், 23.05.2024
அன்றோ என்றோ என்று இல்லாது
அன்பே என்றும் நல்கும் பழனி
அன்னை உனை மட்டும் அடியேன்
அன்றில் எனத் தொழ அருளே!
-பழனிப் பித்தன், 26.05.2024
ஆள் யாரும் அற்ற எனையுமோர்
ஆள் என்று செய்த தேவேநீயே
ஆள் நிதம் என்று வணங்குமுன்
ஆள் எனைக் காக்கச் சித்தங்கொளே!
-பழனிப் பித்தன், 28.05.2024
அடி எடுத்துப் பழனியின் பற்பல
படி ஏறியே உன்சன்னிதி வருமென்
மிடி தீர்த்தருள் தண்டாயுத! நித்தமும்
மடி தந்தருள் பழனிவாழ் அன்னையே!
-பழனிப் பித்தன், 30.05.2024
அகவு மயிலில் அகிலம் ஆள்பவ!
அகவை ஏறாத அநாதி ஆண்டவ!
அகந்தை வாராது அடிமை அன்பனை
அகலா அன்பிலே அணைத்தாள் அப்பனே!
-பழனிப் பித்தன், 31.05.2024
அளவற்ற பணிகள் இடையும் மாறாது
அளவிலா அன்பருள் தண்டுடைத் தெய்வமே!
அளவுகோல் தோற்றோடு கருணை உச்சமே!
அளவெலாம் நினைக்கும் பித்தனுன் எச்சமே!
-பழனிப் பித்தன், 01.06.2024
அருள் கொழிக்கும் பழனி அமர்ந்து
அருள் ஞானவான் உனது குறையா
அருள் நிதமும் பெறவே எனக்கு
அருள்! பழனித் தெய்வமே! சரணே!
-பழனிப் பித்தன், 03.06.2024
அனல் இடைத் தோன்றி, எம்வட
அனல் நீக்கும் கந்த! துயர
அனல் எனைத் தீண்டா தருளும்
அனல் தோற்கும் செய்யோய்! சரணே!
-பழனிப் பித்தன், 04.06.2024
மாதா என்றே என்மீது காதலும்
பிதா என்றே என்மீது அணைப்பும்
நீதா என்றே கேட்குமென் குரலுக்கு,
நாதா! நீயே இரங்குன் சித்தமே!
-பழனிப் பித்தன், 05.06.2024
ஆழ் துயர் எமை அண்டி
சூழ் துன்பு எம்பால் வந்து
பாழ் பட்டு நிற்கச் செயும்
ஊழ் மாற்றி அருள் தேவே!
-பழனிப் பித்தன், 07.06.2024
தன்னைப் பணி அன்பர் காக்கவே
முன்னை வினை நீக்கும் கந்தனே!
அன்னை என அன்பு அளித்தே
என்னை என்றும் காக்கும் எந்தையே!
-பழனிப் பித்தன், 08.06.2024
என்று மெனைக் காத்து அருளே!
குன்று எலாம் நிற்கும் தெய்வமே!
கன்று எனைத் திருக் கண்ணோக்கி
நன்று எலாம் தந்து ஆள்வையே!
-பழனிப் பித்தன், 15.04.2024
ஆள் வையெனையே! உலகு எல்லாமும்
ஆள் பழனிய! அடியார் பிரானே!
ஆள் யாருமிலான் எனக்கு, எனது
ஆள் எனவருள் கருணைக் கடலே!
-பழனிப் பித்தன், 16.04.2024
கடல் எல்லை தாண்டிய உன்னன்புவசப்
படல் நிதம் எனக்கு நிகழவருள்!
உடல் தந்து பிறப்பு ஈந்தவெனைக்கை
விடல் குற்றம் இலையோ? கொள்வாயென்கையே!
-பழனிப் பித்தன், 17.04.2024
கையே கூப்பி நிதமுனைத் தொழு
கையே அருள்! உன்னடியில் விழு
கையே வரம்! அவ்வரமீ என்றும்
கையே விடா தருள்கந்த வேளே!
-பழனிப் பித்தன், 18.04.2024
கந்த வேளே! நமர் குலத்துச்
சொந்த வேளே! வளம் எல்லாமும்
தந்த வேளே! மூவர் பணியா
நந்த வேளே! தாவுன் பதமே!
-பழனிப் பித்தன், 19.04.2024
பதம் நாடிப் பணியும் எனை
நிதம் காத்து இரட்சி ஐய!
இதம் மிகும் மொழியைப் பல
விதம் பேசும் குறத்தி வேந்தே!
-பழனிப் பித்தன், 20.04.2024
வேந்தே! அடியர் மனம் நாளுமாள்
வேந்தே! வேதனை போக்கிப் புரக்கும்
வேந்தே! வேண்டிய எல்லாம் அளிக்கும்
வேந்தே! நின்னடி ஒன்றே போதுமே!
-பழனிப் பித்தன், 21.04.2024
போதும் பழனிய! நித்தம் என்தலை
கோதும் மாறாவன்பு பூண்ட நீமட்டும்
போதும்! வேறேதுமே வேண்டாம் ஐயனே!
கோதும் பொறுத்தருள் உன்போல் யாரிங்கே?
-பழனிப் பித்தன், 22.04.2024
நிதம் உனது நினைவே ஓங்கவும்
நிதம் உனது நாமமே செப்பவும்
நிதம் உனது அன்பையே வேண்டவும்
நிதம் எனக்கு அருளே! முருகே!
-பழனிப் பித்தன், 24.04.2024
என் அருகே வருக எந்தேவே!
நின் சிகண்டி மீதேறி வேலேந்தி
என் மாதாக்கள் இருவர் சகிதம்
நின் அடியர் குழாமும் சூழவே!
-பழனிப் பித்தன், 26.04.2024
சூழ வரும் என்னிடர் அறியுமோ
சூழ இவன் உள்ளது உன்னோடென்று?
சூழ எண்ணில் ஞானியர் இருப்பவ!
சூழ என்றும் நிற்பாயே என்னுடனே!
-பழனிப் பித்தன், 27.04.2024
சொல் ஒன்று ஈசனுக்குச் செப்பியவ!
தொல் திருப் பழனியை ஆளுமய்ய!
கொல் வேடர் குலவள்ளி மணவாள!
சொல் வேளே! வருவாயோ என்னெதிரே?
-பழனிப் பித்தன், 30.04.2024
எதிர் ஒருவரும் அற்ற பழனிய!
புதிர் நித்தமுமே போடும் என்வாழ்விலே
சதிர் பொருந்திய வள்ளி மயிலுடன்
கதிர் வேல்பிடித்து நிதம் காத்தருளே!
-பழனிப் பித்தன், 01.05.2024
காத்து அருள் எனையே பழனியனே!
கூத்து ஆடும் சிவனார் விழியீன்றவ!
பூத்து அலர் கடப்பம் அணிதோழனே!
சாத்து கவி தனிலே மகிழ்ந்தருளே!
-பழனிப் பித்தன், 02.05.2024
அருள் வேளே! பழனித் தலம்வர!
அருள் ஐய! வேலையே வணங்கவே!
அருள் தேவே! உனையே நித்தமெண்ண!
அருள் தாயே! கதிநீ என்றாகவே!
-பழனிப் பித்தன், 03.05.2024
கதி நீயென்று ஆகவருள் பழனிப்
பதி உறையும் தண்டபாணித் தேசிக!
மதி யற்றவன் எந்தனையும் அணைத்தென்
விதி அழித்துக் கண்போற்காக்கும் தெய்வமே!
-பழனிப் பித்தன், 04.05.2024
தெய்வம் ஒன்றே என்று உனையே
தெண்டன் இடும் வரம் அருளே!
தெள்ளு தமிழ் மொழிக் காவல!
தெய்வச் சிவ கிரிக் கந்தனே!
-பழனிப் பித்தன், 05.05.20
அன்பாய் வந்து அருட் பழனியிலுன்
அன்பன் எனைத் திருத் தாள்பணியவே
அன்பே செய்த சிவ கிரிவேலவுன்
அன்பு ஒன்றே போதும் எனக்கென்றுமே!
-பழனிப் பித்தன், 07.05.2024
மன்றலம் மலர்மாலை புனையும் தோளனே!
கன்றென நித்தமெனைப் புரக்கும் பழனிக்
குன்றிலே நாளுமுறைக் கருணை வள்ளலே!
நன்றியை நானெவ்விதம் செலுத்த உனக்கே?
-பழனிப் பித்தன், 08.05.2024
மீள்பதிவாக:-
நினைவூட்டலாக! - குருநாதர் அகத்தியப்பெருமான் உத்தரவு! - ஆடி மாத வெள்ளிக்கிழமை வழிபாடு - https://tut-temples.blogspot.com/2024/07/blog-post_25.html
நமச்சிவாய வாஅழ்க! - இன்றைய ஆனி மாத மக நட்சத்திரம் - மாணிக்கவாசகர் குரு பூசை - https://tut-temples.blogspot.com/2024/07/blog-post.html
TUT தளத்தின் 100 ஆவது சிறப்புப் பதிவு - தெளிவு குருவுரு சிந்தித்தல் தானே! - https://tut-temples.blogspot.com/2019/07/tut-100.html
.jpg)
.jpg)
.jpg)
.jpg)
.jpg)
