கூடுவாஞ்சேரி ஸ்ரீ மாமர சுயம்பு சித்தி விநாயகர் சதுர்த்தி பெருவிழா அழைப்பிதழ்

 அனைவருக்கும் வணக்கம்.

 சென்னை- திருச்சி தேசிய நெடுஞ்சாலையில் தாம்பரத்தை அடுத்து வண்டலூர் உயிரியல் பூங்கா கடந்ததும் வரும் ஊர் கூடுவாஞ்சேரி. திருநந்திவரம், திருநந்திகேஸ்வரம் என்றெல்லாம் முன் காலத்தில் அழைக்கப்பட்ட இந்தப் பகுதி, தற்போது நந்திவரம் (கூடுவாஞ்சேரி) என்று வழங்கப்படுகிறது.

இத்தகு பாடல் வைப்புத் தலமான கூடுவாஞ்சேரியில் நந்தீஸ்வரர் கோவில் மட்டுமின்றி, மேலும் பல கோயில்கள் அருள் தந்து கொண்டிருக்கின்றது. அந்த வகையில் கூடுவாஞ்சேரி மாமரத்து விநாயகர் கோயில், வேலி அம்மன் ஆலயம், வள்ளலார் கோயில் என கூற முடிகின்றது. ஒவ்வொரு கோயிலும் இங்கே தனிச்சிறப்பு கொண்டு விளங்குகின்றது. கூடுவாஞ்சேரி மாமரத்து விநாயகர் ஆலயம் பற்றி விரிவான தனிப்பதிவை அடுத்து தருகின்றோம்.

கூடுவாஞ்சேரி மாமரத்து விநாயகர்

மூத்தோனை வணங்க வேண்டிய தலமாக இங்கே உள்ளார். உலகெலாம் படைத்த மூத்தோன், உயிரெலாம் வணங்கும் அருளோன், தன்னலமிலா தலைவன், நெற்றிப்பொட்டாய் தகிப்பவன், ஒற்றைக்கால் தேரில் வருபவன், முற்றிய நோயை நீக்குபவன், வெற்றிக்கு துணைவன் ஆனவன், மதிஒளி வழங்கும் ஆசான் ,மனவொளி பரப்பும் சுடரானவன், அதிதியின் அழகுப்புதல்வன், 

அகண்ட தீப செங்கதிரானவன், காரிருள் விலக்கும் கதிரவன்,கர்ணன் போற்றும் தந்தையானவன்,
கருணையே, காந்தமே, சாந்தமே, காலத்தின் சாட்சியாய் நிலைப்பவன்  என ஏக பரம்பொருளாய் கணபதி இங்கே நிலை பெற்று இருக்கின்றார். இந்த திருக்கோயில் முருகன் அருளால் உருவானது என்றால் கொஞ்சம் யோசிக்கின்றீர்கள் தானே? திருப்புகழ் அமிர்தம் ஊட்டிய வாரியார் சுவாமிகளின் கைங்கர்யத்தில் இந்த விநாயகர் கோயில் உருவாகி உள்ளது என்றால் முருகப் பெருமானே தானே இங்கே ஆதாரம். முருகன் அருள் முன்னிற்க இங்கே விநாயகர். விநாயகர் இங்கே சுயம்பு மூர்த்தியாக மாமரத்தில் வாசம் செய்து வருகின்றார்.

இந்த திருத்தல வரலாறு விரைவில் தருகின்றோம். இங்கு விநாயகரோடு, முருகப்பெருமான், சிவன், பார்வதி, லலிதாம்பாள், துர்க்கை, குரு பகவான், பெருமாள், ஐயப்பன், ஆஞ்சநேயர், நவகிரக நாயகர்கள், அகத்தியர், வள்ளலார் என அனைவரையும் ஒருங்கே காணலாம். இங்கு நித்ய பூசை  அனைத்து மூர்த்திகளுக்கும் நடைபெற்று வருகின்றது.

நீங்கள் மேலே காண்பது பிரதோஷ பூசை ஆகும். சிறப்பு பூசைகளும் இங்கே அருளப்பட்டு வருகின்றது. சதுர்த்தி அன்று விநாயகர் வழிபாடு,பிரதோஷ சிவன் வழிபாடு, அஷ்டமி பைரவர் வழிபாடு, மூலம் ஆஞ்சநேயர் வழிபாடு, சஷ்டி,கிருத்திகை முருகன் வழிபாடு, பூசம் வள்ளலார் வழிபாடு, ஆயில்யம் அகத்தியர் வழிபாடு என்று களை கட்டும் திருத்தலம் என்று சொன்னால் அது மிகையில்லை. மேலும் இங்கு அமாவாசை தோறும் நம் TUT குழுவின் மூலம் மோட்ச தீப வழிபாடும் நடைபெற்று வருகின்றது.

விநாயகருக்கென்றே பிரத்தியேகமான திருத்தலத்தில் வருகின்ற திங்கட் கிழமை அன்று விநாயகர் சதுர்த்தி பெருவிழா கொண்டாட இருக்கின்றார்கள். அதனை இங்கே பதிவு செய்ய விரும்புகின்றோம். அழைப்பிதழை இங்கே இணைத்துள்ளோம். வாய்ப்புள்ள அடியார் பெருமக்கள் திரளாக கலந்து கொண்டு மூத்தோன் அருள் பெற வேண்டுகின்றோம்.

விநாயகர் சதுர்த்தி பெருவிழாவில் காலை 5 மணி முதல் மாலை 7 மணி வரை பல்வேறு நிகழ்ச்சிகள் நடைபெற உள்ளது. நாம்  சென்று பார்த்த போது, கோயிலுக்கு வெளியே தனி மேடை அமைத்துக் கொண்டு இருந்தார்கள். இன்னிசை நிகழ்ச்சியும் உண்டு. நம் தமிழக ஆளுநர் அன்று கோயிலுக்கு வந்து சிறப்பு சேர்க்க உள்ளார்கள்.

இடர்களை நீக்கும் இடம்புரி கணபதியையும் , வளங்களை அருளும் வலம்புரி கணபதியையும் ஒரு சேர வணங்கி, வாழ்வில் வளம் பெற அனைவரையும் நம் தளத்தின் சார்பில் அழைக்கின்றோம். மேலும் சென்ற வாரம் நடைபெற்ற மோட்ச தீப வழிபாட்டின்போது, இத்திருக்கோயிலை காணொளியாக எடுத்து இணையத்தில் வெளியிட்டுளோம். இதோ தங்களின் பார்வைக்கு.

இணையத்தில் இங்கே பார்க்கலாம். மிக மிக அற்புதமான காணொளித் தொகுப்பை வெளியிட்ட திரு.யாணன் ஐயா அவர்களுக்கும் நம் தளத்தின் சார்பில் நன்றியைத் தெரிவித்துக் கொள்கின்றோம்.

- மீண்டும் அடுத்த பதிவில் சிந்திப்போம்.

மீள்பதிவாக:-

 விநாயகர் சதுர்த்தி தின விழா ...தொடர்ச்சி (1) - https://tut-temples.blogspot.com/2019/08/1_30.html

TUT தளத்தின் விநாயகர் சதுர்த்தி - சிறப்புப் பதிவு - https://tut-temples.blogspot.com/2019/08/tut_29.html

அகத்தியர் அடியார்களுக்கு அகத்திய பெருமானிடத்தில் இருந்து ஓர் உத்தரவு

அனைவருக்கும் அன்பு வணக்கங்கள்.

அகத்தியர் பூசையின் போது இந்த பாடல் கேட்டிருக்கின்றோம். நம் தளத்திலும் பதிவிட வேண்டும் என்று விரும்பி மீண்டும் ஒரு முறை உத்திரவு பெற்று இங்கே தருகின்றோம். இணைய வெளியில் தேடிய போது நமக்கு கிடைத்தது. கொங்கணர் கடைக்காண்டத்தில் இந்தப் பாடல் வருகின்றது. இதோ அந்தப் பாடல்...

அகத்திய மாரஷி நமா என்றென்றோது
அஷ்ட சித்துதனை ஈவார் குளிகை ஈவார்
அகத்தியரே காஷாய வேடமீவார்
அப்போது சித்தரெல்லாம் கைக்கொள்வார்கள்
அகத்தியரைத் தெண்டனிட்டு மேரு செல்ல
யாருக்கும் தடையில்லை அரசே யென்பார்
அகத்தியார் தாம் எக்கியத்தில் பிறந்த யோகி
ஆயிரத்தெட்டு அண்டமெல்லாம் ஆணையாச்சே.


-கொங்கணார் கடைக்காண்டம்.

ஆனால் உச்சரிக்கும் போது அகத்திய மகரிஷி நம என்றென்றோது  என்று கூறுவதாக கேட்டுள்ளோம். சித்தர் பாடல் கிடைத்தால் நாம் எந்த செய்தி சரி என்று பின்வரும் நாட்களில் உறுதி செய்கின்றோம்.சரி...மகான்களை பூசித்தால் மனம் மகிழும், ஒடுங்கும்,ஓங்கும். ஒன்பது கோடி ஞானிகளுக்கு தலைவரும் கும்பமுனி என்றும் குருமுனி என்றும் பட்டம் பெற்ற ஆசான் அகத்தீசர் அவர்களின் திருவடியை பூசித்துதான் ஒன்பது கோடி மனிதர்களும் பாவத்தை நீக்கி புண்ணியத்தைப் பெற்று மரணமில்லா பெருவாழ்வு பெற்று ஞானிகள் ஆகியுள்ளார்கள். அகத்தியர் என்ற பெயரை உச்சரிக்கவே நாம் புண்ணியம் செய்திருக்க வேண்டும். எந்த பிறப்பில் நாம் செய்த புண்ணியமோ நம்மை சித்தர் மார்க்கத்தில் ஈடுபட வைத்துள்ளது. ஞாலம் சிறக்க ஞானிகளை போற்றுங்கள். போற்றினால் நமது வினை அகலுமப்பா..சரி..இந்தப் பதிவில்  அகத்தியர் அடியார்களுக்கு அகத்திய பெருமானிடத்தில் இருந்து ஓர் உத்தரவு கொடுக்கப்பட்டுள்ளது. அதனை தர சித்தம் கொண்டுள்ளோம். இந்தப் பதிவிற்காக இணைப்பு படங்களை தேடிய போது தான், சட்டென்று நமக்கு இவர் நினைவிற்கு வந்தார். கடந்த ஒரு மாதத்திற்கும் மேலாக லட்சக்கணக்கில் மக்கள் தரிசனம் பெற்று வந்துள்ளார்கள். தரிசனம் பெறாத அன்பர்களுக்குகா இங்கே அவரை அருள் தர வேண்டுகின்றோம். வேறு யார்? ஆம்.அத்தி வரதரே ஆவார். அகத்தியர் உத்தரவிற்கும் வரதருக்கும் நெருங்கிய சம்பந்தம் உண்டு. பதிவின் முழுமையில் நீங்களே உணர்வீர்கள் என்று நம்புகின்றோம்.

  பல பெயர்களில், பல ரூபங்களில், பல கோவில்களில் அர்ச்சாவதாரமாக, அருள்வெள்ளம் பெருக்குகிறார் திருமால். யார் வந்து கேட்டாலும் வரமளித்து அருள்புரிபவர். இப்படி, கேட்டவர் அனைவருக்கும் வரமளித்து மகிழ்வித்ததாலேயே வரதராஜன் என்று போற்றப்பட்ட வரதராஜப் பெருமாளை, காஞ்சிபுரத்து திவ்ய தேசக் கோவில்களில் முதலாவதாக தரிசிக்கலாம். வேண்டும் வரமெல்லாம் தரும் இந்த வரதராஜப் பெருமாள் கோவிலில் அப்படி என்ன ரகசியங்கள் உள்ளது என்று பார்ப்போம்....

  இக்கோவிலில் அனந்தஸரஸ் என்ற தீர்த்தத்தினுள் அத்திவரதர், அனந்த சயனராக ஆனந்த யோகம் கொண்டிருக்கிறார். நாற்பது ஆண்டுகளுக்கு ஒருமுறைதான் இந்த அத்தி வரதர் அந்தத் திருக்குளத்தை விட்டு வெளியே வந்து தரிசனம் தருகிறார். இந்த கணக்குப்படி 2019 ம் ஆண்டு  தரிசனம் தந்தார் நம் வரதர். பிறகு மறுபடி நீருக்குள் சயனம் கொள்ள ஆரம்பித்துவிட்டார்.அடுத்த தரிசனம் 2059 ஆண்டில் தான். இப்போது மூலவர் கற்களில் உருவாக்குகிறார்கள். கற்சிற்ப காலத்துக்கு முன்னால் அத்தி மரத்தாலேயே இறை திருவுருவங்கள் உருவாக்கப்பட்டிருக்கின்றன என்பதற்கும் அத்திமரம், எத்தனை வருடம் நீரில் ஊறினாலும் கெட்டுப் போகாது என்பதற்கும் சாட்சியாக இந்த அத்திவரதர் விளங்குகிறார். அந்த அத்தி வரதரிடமே விண்ணப்பம் வைக்கின்றோம். நம் குருநாதர் காட்டிய வழியில் அத்தி வரதா! லோக ஷேமமாக இருக்க அருளுங்கள் என்று வேண்டுவோம்.

 மூலவர் : வரதராஜர் (தேவராஜர்)

தாயார் : பெருந்தேவி
தல விருட்சம் : அரசமரம்
தீர்த்தம் : அனந்த சரஸ்
பழமை : 1000-2000 வருடங்களுக்கு முன்
புராண பெயர் : அத்திகிரி, திருக்கச்சி
ஊர் : காஞ்சிபுரம்

 உற்சவருக்கு, “அழைத்து வாழ வைத்த பெருமாள்’ என்ற வித்தியாசமான பெயர் இருக்கிறது.

 கீதையில் கிருஷ்ண பகவான், தனது வடிவமாகக் குறிப்பிட்ட அரச மரமே இத்தலத்தின் விருட்சம். மரத்தின் எதிரே கரியமாணிக்க வரதர் சன்னதி உள்ளது. புத்திரதோஷம் உள்ளவர்கள் அமாவாசையுடன், திங்கள்கிழமை சேர்ந்த நாளில் மரத்தையும், சன்னதியையும் சுற்றிவந்து வழிபடுகிறார்கள்.

 வைகாசி பிரம்மோற்ஸவம், ஆனி சுவாதி மற்றும் ஆடி கஜேந்திர மோட்ச நாட்களில் சுவாமி கருடசேவை காண்கிறார்.

 ராமானுஜருக்காக கண்களை இழந்த கூரத்தாழ்வார், பார்வை பெற்ற தலம் என்பதால், கண் நோய் நீங்க இங்கு வேண்டிக்கொள்கின்றனர்.

 காயத்ரி மந்திரத்தின் 24 அட்சரங்களைக் குறிக்கும் விதமாக மூலஸ்தான படிகள், மதிலில் பதிக்கப்பட்ட கற்கள், தீர்த்தக்கரை படிகள் ஆகியவை 24 என்ற எண்ணிக்கையில் அமைந்துள்ளன

 ஒவ்வொருவரும் அவரது ஆயுள்காலத்திற்குள் ஒருமுறை, அல்லது  இருமுறைதான் இந்த பெருமாளை தரிசிக்க முடியும்.

அகத்தியர் பெருமான் ஜீவ நாடியில் உரைத்தது

"ஆவணி மாதம் சூர்யன் ஆட்சி இதனுடன் நெருப்பு கிரகமான செவ்வாய் கூடின 10.8.2019 அன்று முதல் காடுகள் நில தலைவனாகிய மால் மாயோன் நிலத்தில் (காடுகளில்) நெருப்பு  குற்றம் ,மலை சரிவு கடுமையான பாதிப்புகள் உண்டாக ஏதுவாக வரும் ஓர் திங்கள் இது தொடர அபயம் தரும் மாயோன் திருமாலை போற்றி துதி செய்து கார்மேகனிடம் வேண்டுதல் வையுங்கள்.

ஆவணி திருவோணம் (11.09.2019) மிகவும் நல்ல தருணம். நிலம், நீர் ,நெருப்பு இதிலிருந்து உயிர்களை பயிர்களை தருக்களை காக்க ஏக மனதாக திருமாலை போற்றி சங்கல்பம் செய்து காப்பவன் அருளால் நலம் அடையுங்கள்."

ஆகவே அன்பர்களே இந்த மாதம் முழுவதும் பெருமாள் வழிபாடு செய்து இயற்கையை காக்க சங்கல்பம் வைக்க வேண்டுகிறோம்.மாதம் முழுவதும் வழிபாடு செய்ய இயலாதவர்கள் ஆவணி திருவோணம் (11.09.2019) அன்றாவது பெருமாள் வழிபாடு செய்ய வேண்டுகிறோம்.


ஓம் ஸ்ரீ லோபாமுத்ரா  தேவி சமேத சத்குரு ஸ்ரீ அகத்தீசாய நமக!!!

நம் தளம் சார்பில் பெருமாள் கோயிலில் ஆவணி திருவோணம்  வழிபாடு நடைபெற அகத்தியரிடம் வேண்டுகின்றோம்.

மீண்டும் சிந்திப்போம்.

மீள்பதிவாக:-

 அத்தி பூத்தாற்போல(40 ஆண்டுகளுக்கு ஒரு முறை) கிடைக்கும் அத்தி வரதர் தரிசனம் ! - https://tut-temples.blogspot.com/2019/07/40.html

விநாயகர் சதுர்த்தி தின விழா ...தொடர்ச்சி (1)

அன்பர்கள் அனைவருக்கும் வணக்கம்.

அனைவரும் விநாயகர் சதுர்த்தி தின விழா கொண்டாட தயாராகிக்  கொண்டு இருப்பீர்கள். இந்த பதிவிலும் கொண்டாட்டம் தொடர்கின்றது. மூத்தோன்..முதல்வன்..எத்தனை முறை பேசினாலும் திகட்டாத ஞானம் தருபவர். நம் TUT தளத்திற்கு பிள்ளையார் சுழி போட்டவரும் இவரே. நம் உறவுகள்,அன்பர்கள் கொண்டாடிய நிகழ்வுகளை இங்கே காட்சிகளாக தருகின்றோம். இதற்கு முந்தைய பதிவில் விகடன் தொகுப்பு, பிள்ளையார்பட்டி தரிசனம், நம் TUT குழுவில் இருந்து  பெரம்பலூர் சதீஷ், ராஜ்குமார் ஐயா, பனப்பாக்கம் செந்தில்வேல் ஐயா, கீரனூர் சண்முகம்,  திரு.வெங்கடகிருஷ்ணன்  ஐயா என பட்டையைக் கிளப்பிய விநாயகர் தரிசனம் கண்டோம்.

இன்றைய பதிவிலும் தரிசனம் மேலும் தொடர்கின்றது. சென்ற ஆண்டு ஒரே பதிவாக கொடுத்தோம். இந்த ஆண்டு பதிவின் நீளம் கருதி இரண்டு பதிவுகளாக இங்கே தொடர்கின்றோம்.அனைத்தும் அவன் அருளாலே அன்றி வேறில்லை.

நம் குழுவில் தற்போது இணைந்த திரு.திலீப் சண்முகராஜா அவர்கள் வீட்டின் பிள்ளையார் 

ஊரப்பாகத்தில் உள்ள கந்தசாமி ஐயா வீட்டின் கணபதி பூசை 

செல்வி கல்பனா வீட்டில் இருந்து 

போளூர் உமா மகேஸ்வரி வீட்டில் இருந்து விநாயகர் தரிசனம்.

அடுத்து கோயம்புத்தூரில் உள்ள என் தங்கை ராகினி  வீட்டில் இருந்து விநாயகர் தரிசனம் 

நம் அன்னதான சேவையில் ஈடுபட்டு வரும் திரு.சிவகுமார் அலுவலகத்தில் நடைபெற்ற காட்சிகள் இங்கே.

அவர் வணங்குவதை பார்த்தால் நம்மையும் அழைப்பது போல் இருக்கின்றது. பொறுங்க..அடுத்த ஆண்டு வேளச்சேரிக்கு வந்து கொண்டாடிடுவோம்.

அடுத்து நம் நண்பர் திரு மோகன்குமார்.

அகத்திய விநாயகர் தரிசனம் பெற அனைவரும் தயாரா? இதோ. மலேஷியா அகத்தியர் வனம் குழுவின் குருவார அகத்தியர் பூசையில்..அகத்தியர் விநாயகராக அருள் தருகின்றார். இது நம் தளத்திற்கு கிடைத்த பிரத்யேக தரிசனம். நீங்களே கண்டு மகிழுங்கள்.

என்ன ஒரு அலங்காரம். இப்படி ஒரு தரிசனம் நமக்கு கனவிலும் கிடைக்காது. அகத்தியர் ஞானம் தருபவர். விநாயகப் பெருமானும் ஞானம் தருபவர். இருவரும் ஒன்றாக கொடுக்கும் தரிசனம் அருள் நிறைவாம். சத்தத்தின் உள்ளே சதாசிவமும், சித்தத்தின் உள்ளே சிவலிங்கமும் காட்டும் தரிசனம் இதுவாம்.

நேற்றைய நம் வீட்டில் தரிசனம் முந்தைய பதிவில் இணைத்தோம். நேற்று காலை பாண்டிச்சேரியில் இருந்து சுவாமிநாதன் ஐயா காலையில் அழைத்து இருந்தார். பின்னர் மதியம் பேசிய போது தான் தெரிந்தது, நேற்றைய தினமலர் செய்தித்தாளோடு கூடுவாஞ்சேரி மாமரத்து விநாயகர் போட்டோ தனியாக கொடுத்துளார்கள் என்று. என்ன ஒரு ஆச்சர்யம். நேற்று காலை தமிழக ஆளுநர் புரோஹித் அவர்கள் இங்கு வந்து தரிசனம் செய்துளார்கள். அனைத்தும் கீழே தந்துள்ளோம்.

நேற்று காலை நாம் தரிசிக்க விரும்பினோம். ஆனால் முடியவில்லை.நேற்று மாலை சென்று தரிசித்தோம். நல்ல கூட்டம். கூட்டத்தில் ஒருவனாய் தரிசித்தோம். நல்ல அலங்காரம். வினை தீர்க்கும் விநாயகர் இங்கே இடர் நீக்கும் இடம்புரி விநாகயர், வளம் தரும் வலம்புரி விநாயகர் என்று தரிசனம். அப்பப்பா..கண்கள் போதவில்லை. உற்சவ மூர்த்தியாகவும் அருள் பாலித்தார்.

அடுத்து உற்சவர் தரிசனம்.

இதோ..மூலவரின் தரிசனமும் நமக்கு கிடைத்தது. நீங்களும் பெற்றுக் கொள்ளுங்கள்.

அடுத்து அங்கிருந்து கிளம்பி, வேலி அம்மன் ஆலயம் சென்றோம். அங்கிருக்கும் கணபதியை தரிசித்தோம். TUT குழுவினர் அனைவருக்கும் சங்கல்பம் செய்து வழிபாடு செய்தோம். 

சென்ற ஆண்டு விநாயகர் சதுர்த்தி எப்படி சென்றது? நினைவில் இல்லை.. அதாவது வீட்டில் மட்டும் பூசை.ஆனால்  இந்த ஆண்டு மனதில் என்றும் இருக்கும் வண்ணம் TUT உறவுகள் இல்ல பூசை,கூடுவாஞ்சேரி மாமரத்து விநாயகர் தரிசனம்.வேலி அம்மன் ஆலய தரிசனம் என கொண்டாட்டமாகவே நமக்கு இருந்தது.

- அடுத்த பதிவில் மீண்டும் சந்திப்போம்.

மீள்பதிவாக:-

 TUT தளத்தின் விநாயகர் சதுர்த்தி - சிறப்புப் பதிவு - https://tut-temples.blogspot.com/2019/08/tut_29.html